حبيتك صدك

حبيتك صدك معقوله ما حسّيت

وآنه الجنت اظنّك تدري وتحبني

طلع كلبك اناني وبيه أني أنغرّيت

ما وفّه لمحَبتي وبالعجل ذبني

وحيد بلا حبيب ولا عشك ضلّيت

شجره بلايه ميّ ولا شمس جنّي

صلب مثل الجبل بالشدّه منهزّيت

بس بُعدك عليه بهالوكت هزني

حيّرني الزمان وبيك أنه أحتاريت

وجن بيك الزمن رايد يعذبني

نطرت محبّتَك والها شكثر تانيت

ولحظات العشك وياك ونستني

جنت اليّه الاهل انت وجنتلي البيت

وبس انت الجنت بالدنيا عاجبني

وجنت انت التذوّب قلبي لو عدّيت

وأطيحن لو عيونك مرّه تنظرني

جم مرّه الوكت يجرحني متأذيت

بس زعلك عليه الجان يألمني

بشر غيرك أبد بكليبي ما حطيّت

وكل واحد بعد بالدنيا ما همني

شجاك تغيّّّّّّّّّّرت وبروحي ما خلّيت

بس حسره ودمع وجروح أذتني

وشجاك تغيّرت صدكني ما ظنيت

تنساني بسهوله وتبتعد عني

أشتريت محبّتك بالغالي كلّي شلون

فلس ونص محبتك هسه باعتني

يا ذنب الجنيته وكلي انه شسويت

حتى انت بعذابي لوحدي تتركني

قلبك هذا قلبك لو حجر سجيل

حالك والله والله صفنّي

جنت آنه الحبيب الما يزيحه الكون

واحد هسّه زاحه شلون فهمني

تمشي كبالي تضحك منشرح وياه

ما عندك قصد كل قصدك تغثني

مو صوجك ابد لا بيه كل الصوج

قلبي بهالمواقف هوّه اليحطني

صح آنه انجرح بس الجرح استاذ

قاسي بشرحه لكن درسه علمني

تعلمت ابقى صادق بالعشك للدوم

ومنه اصنع تجارب خبره تكسبني

روح خطيه انت ولا تظن بيوم

تعرف شنهو حُب وتمسي متهنّي

ما تكدر تحب تايه تظل حيران

وقلبك ما يدك فد يوم صدكنّي

وما تعرف بعد محبوب مثلي تجيب منين

واذا واحد يصح لك مثلي عاتبني

سنين احبك تالي هذا الصار

طول المده وانت بحبي خادعني

اسمر بغداد
اسعدني مرورك العطر وتواجدك
الذي انار متصفحي المتواضع
لك كل التقدير والاحترام
ربي لا يحرمني
من هلطله وهلتواجد المميز
مودتي واحترامي
لك

يسلموووووووووووووووحبي
على المرور منوره الصفحه واتشرف
بوجودج تحياتي ومودتي